Saray Salmo 12:1 - Maung A Balita Biblia

¹ Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

Maung a Balita Biblia

¹ Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

Saray Salmo 12:1 Referans Kwoze

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Isaias 57:1

Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Mateo 24:12

Lapud mapalalon ikayat na kaogsan, ombetel so panangaroy amayamay a totoo.

Isaias 63:5

Mankelaw ak nen ninmengneng ak tan anengneng kon anggapoy ontulong ed siak. Balet pinabiskeg ak na pasnuk ko tan siak a diliy analo.

Saray Salmo 6:1

Katawan, ag mo ak pa pamapasnukan lapud petang na olom! Ag mo ak pa dudusaen lapud pasnuk mo!

Probirbio 20:6

Sasalitaen na balang sakey no panoy inkatoor to, balet salim ya anapen no siopay tuan matoor!

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Mateo 8:25

Saray disipulo nila ran binangon tan inkuanda, “Ilaban mo kami, Katawan, ta onlelereg itayo la!”

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Saray Salmo 54:1

Lapud pakayarim, O Dios, ilaban mo ak pa; lapud biskeg mo, iliktar mo ak pa!

Saray Salmo 6:4

Singgeran mo ak pa, Katawan, tan ilaban mo ak; iyagel mo ak pa, lapud ag mangoman a panangarom.

Saray Salmo 3:7

Gala pa, Katawan! Ilaban mo ak, O Dios ko! Dudusaen mon amin iray kalaban ko, tan eekalan mo ray pakayarin mamasakit ed siak.

Mateo 14:30

Balet nen alikas toy maksil a dagem, ataktakot tan nankalkalnan onlelereg. “Ilaban mo ak, Katawan!” iningal to.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.