Saray Salmo 119:91 - Maung A Balita Biblia

⁹¹ Mansiasiansia ya anggad natan iray amin a bengatla lapud ganggan mo, ta aripen mo ran amin.

Maung a Balita Biblia

⁹¹ Mansiasiansia ya anggad natan iray amin a bengatla lapud ganggan mo, ta aripen mo ran amin.

Saray Salmo 119:91 Referans Kwoze

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Mateo 8:9

Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, ‘Laka!’ onla; no kuankod sananey, ‘Gala!’ ondago. No iganggan kod aripen ko, ‘Gawam ya!’ gawaen to.”

Jeremias 33:25

No panoy pangitutuloy ko, siak a Katawan, na impisipanan kod agew tan say labi, diad impangipaakseb ko na saray oksuy ed katawenan tan mundo,

Genesis 8:22

Anggad wala niy mundo, walan walay panaon na panagtanem tan panaon na panagani, walay panaon na ambetel tan say panaon na ampetang, say tiagew tan say nepnep, say agew tan say labi.”

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Saray Huis 5:20

Manlapud tawen akilaban iray bitewen; diad ibebeltang dad tawen, nilabanan day Sisara.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!