Saray Salmo 119:85 - Maung A Balita Biblia

⁸⁵ Saray mapaatagey ya ag mangoonur na saray ganggan mo et angotkot ira na saray abut a pamatit dad siak.

Maung a Balita Biblia

⁸⁵ Saray mapaatagey ya ag mangoonur na saray ganggan mo et angotkot ira na saray abut a pamatit dad siak.

Saray Salmo 119:85 Referans Kwoze

Probirbio 16:27

Saray totoon maoges manaanap ira na pamasakit dad arum a totoo; anggan saray salita ra manliub ya apoy.

Saray Salmo 35:7

Anggan anggapoy makasengeg, pinatitan da ak tan angotkot iray aralem ya abut a pangerel dad siak.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Saray Salmo 119:78

Nabaingan komun iray mapaatagey lapud panagpaoges dad siak; para say siak, dalepdepen ko ray bilibilin mo.

Saray Salmo 7:15

Balet sikaran diliy napelag ed abut ya impatit dad arum a totoo.

Saray Salmo 36:11

Ag mo pa iyaabuloy a dogpaan ak na saray totoon mapasirayew, o pabatiken ak na saray totoon maoges.

Jeremias 18:22

Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.