Saray Salmo 119:73 - Maung A Balita Biblia

⁷³ Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Maung a Balita Biblia

⁷³ Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Saray Salmo 119:73 Referans Kwoze

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Say Libro nen Job 31:15

Ag ta say Dios ya amalsad siak et sikato met so amalsad saray aripen ko?

2 Timoteo 2:7

Dalepdep mo ray ibabagak ed sika, ta ipatalus na Katawan ira yan amin ed sika.

Saray Salmo 119:125

Aripen mo ak; itdan mo ak pay pakatalus, pian naamtaan ko ray bangat mo.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Say Libro nen Job 32:8

Balet say ispiritu na Makapanyarin-amin a Dios so onloob ed too tan mangiter na kakabatan.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Santiago 3:18

Say toon maarod kareenan, diad panaanap toy kareenan, isisibwag toy bokel a mambungay katonungan.

Saray Salmo 119:169

Onsabi komun ed sika, O Katawan, so pikekerew ko na tulong mo! Itdan mo ak pay pakatalus, onung na insipan mo.

2 Saray Awaran 2:12

Nadayew komun so Katawan a Dios na Israel, say Manamalsa ed tawen tan dalin! Initdan toy Ari David na sakey a makabat ya anak a lakin maung so pakatalus to tan marunong ed amin a bengatla. Et natan mangipaalagey na timplon para Katawan tan palasion panayaman to.

Saray Salmo 119:144

Lawas a matonung iray bilibilin mo; itdan mo ak pay pakatalus, et mambilay ak.

1 Saray Awaran 22:12

Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!