Saray Salmo 119:53 - Maung A Balita Biblia

⁵³ Mapalaloy petang na olok, no nanenengneng ko ray totoon maoges a susumlangen day ganggan mo.

Maung a Balita Biblia

⁵³ Mapalaloy petang na olok, no nanenengneng ko ray totoon maoges a susumlangen day ganggan mo.

Saray Salmo 119:53 Referans Kwoze

Esdras 9:3

Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.

Saray Salmo 119:158

Nanaingungotan ak no nanenengneng ko ray traidor, ta ag da oonurey ganggan mo.

FILIPOS 3:18

Amimpiga lan imbagak ya ed sikayo, tan ooliten ko natan a manterter so luak; dakel iray mambibilay a kalaban na krus nen Cristo.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Esdras 10:6

Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

2 CORINTO 12:21

Mapaga ak, ta ompan diad ontombuk ya iyakar kod tan et say Dios ko paabebaen to ak ed arap yo, tan pannangisan kod satay impankasalanan na saray dakel ya ag da ni nagbabawian iray ginagawa ran karotakan, saray ginagawa ran inmoralidad tan pilalawanan.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Saray Salmo 89:30

“Balet no saray kabyangay boleg to et sumlangen day ganggan ko tan ag ira mambilay onung ed saray pananontonan ko,

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.

Nehemias 5:6

Nen nadngelan ko ray riklamo ra, mapalaloy pasnuk ko.