Saray Salmo 119:50 - Maung A Balita Biblia

⁵⁰ Anggan nen maniirap ak aligliwa ak, ta say sipan mo initdan to ak na bilay.

Maung a Balita Biblia

⁵⁰ Anggan nen maniirap ak aligliwa ak, ta say sipan mo initdan to ak na bilay.

Saray Salmo 119:50 Referans Kwoze

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Saray Salmo 94:19

No mapagpaga tan nagugunigon ak, liligligwaen tan pagagayagaen mo ak.

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Saray Salmo 27:13

Manisia ak a nanengneng ko so kaabigay Katawan diad sayan bilay.

Saray Salmo 119:25

Mandokdokul ak ed dabuk ta atalo ak; bangon mo ak pa, onung na insipan mo!

Ezekiel 37:10

Kanyan nampropisiya ak onung na nibagad siak. Linmoob ed saramay bangkay so ingas, et binmilay ira tan inmaalagey ira. Singa amayamay a sondalo so karakel da.

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

Saray Salmo 119:38

Sumpal mo pay sipan mod siak ya aripen mo, say sipan mod saray matoluk ed sika.

Saray Salmo 119:41

Katawan, ipanengneng mo pad siak so ontan lan panangarom, tan ilaban mo ak onung na insipan mo.

Saray Salmo 119:92

No ag labat sobul na gayagak so ganggan mo, inatey ak la komun lapud paniirap ko.

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.