Saray Salmo 119:45 - Maung A Balita Biblia

⁴⁵ Mambilay ak ed nagnap a kawayangan, ta pampepelengan kon onuren iray bangabangat mo.

Maung a Balita Biblia

⁴⁵ Mambilay ak ed nagnap a kawayangan, ta pampepelengan kon onuren iray bangabangat mo.

Saray Salmo 119:45 Referans Kwoze

Saray Salmo 119:133

Onung na insipan mo, ag mo pa iyaabuloy a natumba ak; ag mo pa iyaabuloy a naoleyan ak na maoges.

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Probirbio 4:12

No manakar ka, anggapoy makasarad dalan mo tan no ombatik ka, ag ka nipatakba.

Saray Salmo 119:94

Kayaryan mo ak, ilaban mo ak pa! Nampelengan kon onuren iray ganggan mo.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

2 Pedro 2:19

Isisipan day kawayangan ed saray tatanggoyuren da, balet sikaran dili abalur iray makaderal a bisio—ta say too aripen na antokaman a matalona nen say sikato.

Santiago 2:12

Kanyan manalwar kayod saray kagagawa tan pananalita yo, ta totoo kayon nasintinsiaan na ganggan a mangibobolus ed sikatayo.

TAGA-EFESO 5:17

Nepeg ya aliwa kayon singa saray makulang-kulang, no ag ingen talusan yo no antoy labay na Katawan a pagawad sikayo.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Probirbio 18:1

Saray totoon ag da amtay miolup ed kapara ran totoo et say pankaabigan da labat so nununoten da; sumpaen day ipapasen a maptek na amin a totoo.

Saray Salmo 119:162

Agaylay liket ko lapud saray sipan mo, a singa toon akalmoy baleg a kayamanan.

Saray Salmo 119:148

Sanlabin abangon ak a mandadalepdep ed saray bilibilin mo.

Saray Salmo 119:19

Magangganoy panayam ko diad tapew na dalin; ag mo pa iyaamut ed siak iray ganggan mo.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.