Saray Salmo 119:43 - Maung A Balita Biblia

⁴³ Iyabuloy mo pan say katwaan lawas so salitaen ko, ta say ilalok walad saray sintinsiam,

Maung a Balita Biblia

⁴³ Iyabuloy mo pan say katwaan lawas so salitaen ko, ta say ilalok walad saray sintinsiam,

Saray Salmo 119:43 Referans Kwoze

Saray Salmo 9:4

Matonung tan maptek so panagsintinsiam; insintinsiam ya anggapoy kasalanan ko.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

TAGA-EFESO 1:13

Ontan yo met, a nen nadngel yoy tuan salita, salanti say Maung a Balita ya angiter ed sikayoy kilalaban, anisia kayod Cristo, tan minarkaan kayoy Dios a kayaryan to diad impangiter tod sikayoy insipan ton Ispiritu Santo.

Saray Salmo 119:175

Pambilay mo ak pa ni, pian nidayew ta ka; tulongan ak komun na saray bilibilin mo!

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

Saray Salmo 119:52

Katawan, nanununotan ko ray sintinsiam nen saman, et liligliwaen da ak.

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 119:120

Lapud sika natatakot ak; lapud saray sintinsiam natatakot ak.

Saray Salmo 50:16

Balet kuay Dios ed saray totoon maoges, “Antoy kanepegan yon mangidadalatdat ed saray ganggan ko? Antoy kanepegan yon manotongtong na nipaakar ed impisipanan ko?

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Saray Salmo 119:74

Makaliliket iray manangigalang ed sika no nanengneng da ak, ta maniilalo ak ed sipan mo.

Saray Salmo 119:81

Katawan, nalmay ak lad panaalagar koy pangilaban mod siak; maniilalo ak ed salitam.

Saray Salmo 119:114

Sikay manangyagel ko tan manangasikasok; maniilalo ak ed sipan mo.

Saray Salmo 119:147

Palbangon ni, ontatawag ak lan patulongan ed sika; maniilalo ak ed sipan mo.