Saray Salmo 119:39 - Maung A Balita Biblia

³⁹ Ipaliis mo ak pad saray panamabaing a tatakotan ko; makapakelaw a tuloy iray sintinsiam!

Maung a Balita Biblia

³⁹ Ipaliis mo ak pad saray panamabaing a tatakotan ko; makapakelaw a tuloy iray sintinsiam!

Saray Salmo 119:39 Referans Kwoze

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

1 Timoteo 3:7

Nepeg met a gagalangey totoon aliwan kabyangay iglisia, pian ag napelag ed kababaingan tan ag naerel ed patit nen Diablo.

Saray Salmo 119:22

Ipaliis mo ak pad saray panagpabaing tan panagbalaw da, ta inonur ko ray ganggan mo.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Saray Taga Roma 2:2

Amta tayo a say Dios maptek so panagsintinsia to ed saray totoon manggagawa ed saraya.

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.

Saray Salmo 39:8

Ilaban mo ak pad amin da ray kasalanan ko, tan ag mo pa iyaabuloy a ludlureyen ak na saray totoon makulang-kulang.

1 Timoteo 5:14

Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Saray Salmo 119:131

Akanganga ak tan abut-abuten koy linawak, diad pampipilalek kod saray ganggan mo.

Saray Salmo 119:123

Naksawan la ray matak lapud panaalagar koy panangilaban na tulong mo, say kilalaban ya insipan mo.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Saray Salmo 119:43

Iyabuloy mo pan say katwaan lawas so salitaen ko, ta say ilalok walad saray sintinsiam,

Saray Salmo 119:31

Tinombuk ko ray bilibilin mo, Katawan; ag mo ak pa ipepelag ed kababaingan.

Saray Salmo 119:20

Mapalaloy pampipilalek na pusok; labay kon naamtaan lawas iray sintinsiam.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

2 Samuel 12:14

Balet lapud sinumpam so Katawan diad impanggawam ed sayan kaogsan; ompatey so anak mo.”

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Probirbio 25:10

Ta no ibawag mo, nakabatan na arum a totoo ya ag ka makaamut, et ag ontonday pakababaingan mo.