Saray Salmo 119:38 - Maung A Balita Biblia

³⁸ Sumpal mo pay sipan mod siak ya aripen mo, say sipan mod saray matoluk ed sika.

Maung a Balita Biblia

³⁸ Sumpal mo pay sipan mod siak ya aripen mo, say sipan mod saray matoluk ed sika.

Saray Salmo 119:38 Referans Kwoze

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 103:13

No panoy panangasi na ama ed saray anak to, ontan met so pangakasiy Katawan ed saray mangigagalang ed sikato.

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Salmo 119:49

Nunot mo pay sipan mod siak ya aripen mo; angiter ed siak na ilalo.

1 Saray Arari 8:26

Kanyan pikasik ed sika, O Dios na Israel, a sumpal mo pay amin ya insipan mod kinen amak a David ya aripen mo.

Saray Salmo 119:50

Anggan nen maniirap ak aligliwa ak, ta say sipan mo initdan to ak na bilay.

Saray Salmo 119:76

Iyabuloy mo komun a naligliwa ak na ag mangoman a panangarom, onung na insipan mod siak ya aripen mo.

Saray Salmo 119:154

Italindeg mo pay katonungan ko, tan ibolus mo ak; ilaban mo ak pa, onung na insipan mo!