Saray Salmo 119:35 - Maung A Balita Biblia

³⁵ Pansiansia mo ak pan matoluk ed saray ganggan mo, ta pakalmoan ko ray liket.

Maung a Balita Biblia

³⁵ Pansiansia mo ak pan matoluk ed saray ganggan mo, ta pakalmoan ko ray liket.

Saray Salmo 119:35 Referans Kwoze

Saray Salmo 23:3

Papasimbaloen toy biskeg ko. Iwawanwan to ak ed saray maptek a dalan, onung na insipan to.

Saray Salmo 25:4

Ibangat mo pad siak so linawam; ipaamtam ed siak, O Katawan.

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

Probirbio 4:11

Imbangat kod sikay kakabatan tan inwanwan ta kad dalan na matonung a panagbilay.

1 Juan 5:3

Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Saray Taga Roma 7:22

Diad otel na pusok, malikeliket ak ed ganggay Dios.

Probirbio 8:20

Pankukurangan koy dalan na katunongan; totombuken ko ray basbas na kaptekan;

Saray Salmo 119:27

Tulongan mo ak pa, pian natalusan ko ray ganggan mo, et dalepdepen ko ray makapakelaw a bangabangat mo.

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Probirbio 3:17

Say kakabatan pagmaliwen ton marakep so panagbilay mo, tan iyarawi to kad kaatapan legan mon mambilay.

Saray Salmo 119:173

Sipaparaan ka komun ya ontulong ed siak, ta oonuren ko ray ganggan mo.

Saray Salmo 119:36

Itdan mo ak pay pilalek a mangonur ed saray ganggan mo, aliwan say pilalek ya onyaman.

Saray Salmo 1:2

Ingen, maliket a mangoonur na Ganggan na Katawan, tan agew-labi ton dadalepdepen.