Saray Salmo 119:165 - Maung A Balita Biblia

¹⁶⁵ Walay nagnap a kareenan da ray mangaarod ganggan mo, tan anggapoy bengatlan makatumbad sikara.

Maung a Balita Biblia

¹⁶⁵ Walay nagnap a kareenan da ray mangaarod ganggan mo, tan anggapoy bengatlan makatumbad sikara.

Saray Salmo 119:165 Referans Kwoze

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

FILIPOS 4:7

Tan say kareenay Dios a palabsanan toy pakatalus na too so mangasikasod puso tan nunot yo, diad panamegley nen Cristo Jesus.

Probirbio 3:23

Mankurang kad satan ya arawi ed kaatapan tan ag ka niparukol.

Probirbio 3:17

Say kakabatan pagmaliwen ton marakep so panagbilay mo, tan iyarawi to kad kaatapan legan mon mambilay.

1 Juan 2:10

Siopamay aaroen toy agi to, mansiansia ed silew. Kanyan anggapoy antokaman ed sikato a pakapankasalanay arum a totoo.

Isaias 57:21

Anggapoy kareenan da ray makasalanan,” kuay Katawan.

Isaias 28:13

Lapud saya ibangat kayo na Katawan diad panamegley na tonggal litra, tonggal linya, tan tonggal liksion. Diad satan niparokul kayo diad balang ikupbang yo. Nasugat kayo, napatitan kayo, tan nadakep kayo.

Mateo 13:21

Balet ag onlalamut tan ag mansiasiansiad puso ra. Kanyan no onsabi lay kairapan a sikara lay napasegsegang makasengeg ed salitay Dios, bigla met la ran ombetel.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Isaias 57:14

Say Katawan kuanto, “Papawil yod siak iray totook. Ekal yo ray amin a makasbel ed dalanen da! Manggawa kayoy dalan tan iparaan yo!

Saray Salmo 119:56

Nanaalmok so liket ed pangoonur kod saray ganggan mo.