Saray Salmo 119:150 - Maung A Balita Biblia

¹⁵⁰ Manasingger iray maruksan mamapairap ed siak, saray totoon ag balut mangoonur na ganggan mo.

Maung a Balita Biblia

¹⁵⁰ Manasingger iray maruksan mamapairap ed siak, saray totoon ag balut mangoonur na ganggan mo.

Saray Salmo 119:150 Referans Kwoze

Saray Salmo 27:2

No dogpaan ak a pateyen na saray totoon maoges, natiror tan natumba ra.

Probirbio 28:9

No ag mo oonuren so ganggan, kabosul na Dios a dengelen so pikakasim.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Saray Salmo 22:16

Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Say Libro nen Job 21:14

Saray totoon maoges ibaga rad Dios a paolyan to ran bukbukor; ag da labay ya amtaen so linawa tod bilay da.

2 Samuel 17:16

Inyarum nen Cusai ya inkuan, “Ganatan yo! Paibaga yod kinen David a diad sayan labi ag ira manaayam ed saray babaliwan ed ilog diad kalawakan, no ag ingen baliwen ton tampol so Jordan, pian sikato tan saray totoo et ag ira naerel tan ag ira napatey.”

1 Samuel 23:16

Nilad man nen Jonatan, pinabiskeg toy linawa to tan impanonut to ya ag paolyan na Dios.

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Isaias 59:14

Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.