Saray Salmo 119:144 - Maung A Balita Biblia

¹⁴⁴ Lawas a matonung iray bilibilin mo; itdan mo ak pay pakatalus, et mambilay ak.

Maung a Balita Biblia

¹⁴⁴ Lawas a matonung iray bilibilin mo; itdan mo ak pay pakatalus, et mambilay ak.

Saray Salmo 119:144 Referans Kwoze

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Saray Salmo 119:169

Onsabi komun ed sika, O Katawan, so pikekerew ko na tulong mo! Itdan mo ak pay pakatalus, onung na insipan mo.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Saray Salmo 119:73

Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Mateo 5:18

Tandaan yo ya! Naandi so tawen tan dalin, balet anggan say sankamelagan a kabyangay Ganggan so ag naandiay kana anggad pakasumpal na amin a bengatla.

Saray Salmo 119:152

Abayag lay impakaaral kod saray bilibilin mo; ginawam iran mansiansia ya anggad angga.

Saray Salmo 119:138

Sigput a matonung tan maptek iray inter mon pananontonan.

Saray Salmo 119:66

Itdan mo ak pay kakabatan tan pakatalus, ta manmamatalek ak ed saray ganggan mo.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Salmo 119:17

Ipanengneng mo pad siak ya aripen mo so kamaungan mo, pian mambilay ak tan naonur ko ray bangabangat mo.

Saray Salmo 119:151

Balet wala kad abay ko, Katawan, tan tuan amin iray ganggan mo.

Probirbio 4:4

binabangatan ak nen amak. Inkuanda, “Nunot mo ray ibabagak tan ag mo ra lilingwanan. Onur mo ray ganggan ko, et mambilay ka.

Probirbio 7:2

Sumpal mo ray ganggan ko et mambilay ka. Asikasom ya onuren iray bangat ko a singa pangaasikasom ed saray matam.