Saray Salmo 119:142 - Maung A Balita Biblia

¹⁴² Mansiansia ya anggad angga so inkatonung mo, tan tua lawas so ganggan mo.

Maung a Balita Biblia

¹⁴² Mansiansia ya anggad angga so inkatonung mo, tan tua lawas so ganggan mo.

Saray Salmo 119:142 Referans Kwoze

Juan 17:17

Pasantos mo ra komun diad panamegley na katwaan. Katwaan so salitam.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Saray Salmo 119:151

Balet wala kad abay ko, Katawan, tan tuan amin iray ganggan mo.

Isaias 51:8

naandipat iran singa ataboney a kawes! Balet mansiansia so kilalaban ya iter ko; say pananalok nasungdoan toy amin a panaon.”

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

TAGA-EFESO 4:21

no tuan nadngel yoy nipaakar ed sikato tan inaral yoy katwaan a walad kinen Jesus.

Saray Salmo 119:144

Lawas a matonung iray bilibilin mo; itdan mo ak pay pakatalus, et mambilay ak.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Saray Salmo 119:160

Say otel na ganggan mo et say katwaan tan andi-anggaan ya amin iray matonung a sintinsiam.