Saray Salmo 119:128 - Maung A Balita Biblia

¹²⁸ Kanyan oonuren ko ray amin a bili-bilin mo; kabusol kon amin iray maoges a kagagawa.

Maung a Balita Biblia

¹²⁸ Kanyan oonuren ko ray amin a bili-bilin mo; kabusol kon amin iray maoges a kagagawa.

Saray Salmo 119:128 Referans Kwoze

Saray Salmo 119:104

Nanaarumay kakabatan ko lapud saray ganggan mo, kanyan kabosul koy amin a maoges a kagagawa.

Saray Taga Roma 7:22

Diad otel na pusok, malikeliket ak ed ganggay Dios.

Probirbio 30:5

“Susumpalen na Dios so balang sipan to. Say Dios aliling toy sakey a samper ed amin da ray papaiyagel ed sikato.

Saray Salmo 119:6

No imanoen kon amin iray ganggan mo, ag ak nabaingan.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Saray Taga Roma 7:16

No gawaen koy ag ko labay, mapatnag sirin ya onaabubon ak a say Ganggan et maung.

Saray Taga Roma 7:14

Amta tayon maispiritu so Ganggan, balet aliwa ak a maispiritun too, tan naaripen ak na kasalanan.

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

Saray Salmo 119:118

Ipopolisay moy balang toon mangoonur na ganggan mo; andi-kakanaan iray kasiliban da.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Saray Salmo 18:22

Inonur koy amin a ganggan to; ag ko impolisay iray bilibilin to.

Saray Salmo 119:172

Mankanta ak na nipaakar ed ganggan mo, ta matonung iray ganggan mo.