Saray Salmo 119:125 - Maung A Balita Biblia

¹²⁵ Aripen mo ak; itdan mo ak pay pakatalus, pian naamtaan ko ray bangat mo.

Maung a Balita Biblia

¹²⁵ Aripen mo ak; itdan mo ak pay pakatalus, pian naamtaan ko ray bangat mo.

Saray Salmo 119:125 Referans Kwoze

Saray Salmo 116:16

Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

2 Timoteo 2:7

Dalepdep mo ray ibabagak ed sika, ta ipatalus na Katawan ira yan amin ed sika.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Taga Roma 6:22

Balet natan ta nablus ki lad kasalanan tan aripen ki lay Dios, say agunggona yo say masanton bilay a mansumpal ed bilay ya andi-anggaan.

Probirbio 9:10

Pian nawalaan kay kakabatan nepeg mon pagalangan ya onona so Katawan. No kabat mo may Masanto, walay pakatalus mo.

Saray Salmo 119:94

Kayaryan mo ak, ilaban mo ak pa! Nampelengan kon onuren iray ganggan mo.

Saray Salmo 119:66

Itdan mo ak pay kakabatan tan pakatalus, ta manmamatalek ak ed saray ganggan mo.

Saray Salmo 119:29

Iyarawi mo ak pad aliwan tua a dalan, tan lapud kaabigan mo ibangat mo pad siak so ganggan mo.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 86:16

Lingaw mo ak pa tan kasian mo ak; pabiskeg mo ak pa a managlingkur mo, lapud lilingkuran ta ka a singa ginawa nen inak.