Saray Salmo 119:120 - Maung A Balita Biblia

¹²⁰ Lapud sika natatakot ak; lapud saray sintinsiam natatakot ak.

Maung a Balita Biblia

¹²⁰ Lapud sika natatakot ak; lapud saray sintinsiam natatakot ak.

Saray Salmo 119:120 Referans Kwoze

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Saray Hebreo 12:21

Makapataktakot a nengnengen, kanyan inkuanen Moises, “Natatakot ak a maung, tan manggiwgiw ak!”

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

2 Saray Awaran 34:21

“Lakayo ta ipanonan yo ak ed Katawan tan amin iray totoon atilak nin manaayam ed Juda tan Israel. Amtaen yo so nipaakar ed saray bangat na sayan libro. Mamapasnuk so Katawan ed sikatayo, lapud ag inonur na saray lalaki tayo so salita na Katawan tan ag da ginawa so ibabaga na sayan libro.”

Saray Salmo 119:53

Mapalaloy petang na olok, no nanenengneng ko ray totoon maoges a susumlangen day ganggan mo.

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

1 Samuel 6:20

Kanyan inkuan na saray taga Bet-semes, “Siopay nayarin ontalindeg ed arap na Katawan, sayan masanton Dios? Iner so pangyakaran tayod Kaban to, pian naarawian to tayo la?”

1 Saray Awaran 24:30

Taloray lalakin anak nen Musi: di Mahli, Eder, tan Jeremot. Sikara yay pamilya na saray Levita.

2 Saray Arari 22:11

Nen nadngel na ari so impangibasad libro, ginebyas toy kawes to lapud ermen to.

Say Libro nen Job 23:15

Manggiwgiw ak ed takot no wala ak ed arap to.

Say Libro nen Job 31:23

Antakot koy pananusa na Dios, kanyan ag ko nayarian a gawaen yan kaogsan.

Saray Salmo 88:16

Dedetdetan ak na mapalalon petang na olom; dederalen ak na saray makapataktakot a panagkabil mo.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.