Saray Salmo 119:111 - Maung A Balita Biblia

¹¹¹ Andi-anggaan a tawir ko iray ganggan mo; sikaray liket na pusok.

Maung a Balita Biblia

¹¹¹ Andi-anggaan a tawir ko iray ganggan mo; sikaray liket na pusok.

Saray Salmo 119:111 Referans Kwoze

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Saray Salmo 119:174

Pampilpilalekan koy manangilaban a tulong mo, Katawan! Panliliketan koy ganggan mo.

Saray Salmo 119:92

No ag labat sobul na gayagak so ganggan mo, inatey ak la komun lapud paniirap ko.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

1 Pedro 1:4

tan say panawir tayoy bindision ya ag naderal, ag naboluk, o onkupas. Akaparaan yan bindision ed sikayo dimad tawen.

Saray Salmo 119:127

Inarok iray ganggan mo nen say balituk, anggan say sankaabigan lan balituk.

Saray Salmo 119:74

Makaliliket iray manangigalang ed sika no nanengneng da ak, ta maniilalo ak ed sipan mo.

Saray Salmo 19:8

Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.

Deuteronomio 33:4

Onuren tayoy Ganggan ya inter ed sikatayo nen Moises, say Ganggan a sankablian a kayaryan na bansa tayo.

Saray Hebreo 9:15

Kanyan si Cristo so manamegley na balon sipanan, pian natawir na saray tinawag na Dios so andi-anggaan iran bindision ya insipan to. Nagawa ya lapud walay inatey ya amaandiy kasalanan da ray totoo nen wala ni rad silong na onaan a sipanan.

Saray Salmo 119:14

Panliliketan ko niy mangonur ed saray ganggan mo, nen say pakagamur koy baleg a kayamanan.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Saray Salmo 119:162

Agaylay liket ko lapud saray sipan mo, a singa toon akalmoy baleg a kayamanan.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.