Saray Salmo 119:105 - Maung A Balita Biblia

¹⁰⁵ Say salitam et sakey a lamparaan a mangiwanwan ed siak, tan sakey a liwawad dalan ko.

Maung a Balita Biblia

¹⁰⁵ Say salitam et sakey a lamparaan a mangiwanwan ed siak, tan sakey a liwawad dalan ko.

Saray Salmo 119:105 Referans Kwoze

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Saray Salmo 43:3

Ibakim pay liwawam tan say katwaan mo; iwanwan da ak komun tan ipawil da ak ed Sion a masanton palandey mo, tan diad Timplom a panaayaman mo!

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Say Libro nen Job 29:3

Say Dios wala lawas ed siak nen saman; nen manaakar ak ed bilonget inantabay to ak na liwawa.

TAGA-EFESO 5:13

No amin a bengatla et niparontal ed silew, nanengneng so petepeteg a kipapasen da;

Saray Salmo 19:8

Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.