Saray Salmo 117:2 - Maung A Balita Biblia

² Baleg so ag mangoman a panangaro tod sikatayo, tan ag manganggay katooran to. Idayew yoy Katawan!

Maung a Balita Biblia

² Baleg so ag mangoman a panangaro tod sikatayo, tan ag manganggay katooran to. Idayew yoy Katawan!

Saray Salmo 117:2 Referans Kwoze

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Saray Salmo 89:1

Katawan, ikantak lawas so ag mangoman a panangarom; andi-anggaan ya ibawag ko so inkatoor mo.

1 Juan 5:6

Si Jesu-Cristo so linma diad mundo, a sikatoy abinyagan ed danum tan angiterter na dala to diad impatey to. Linma dian ag labat abinyagan ed danum, no ag ingen interter to met so dala to. Say dilin Ispiritu so amaneknek a tua ya, ta say Ispiritu et katwaan.

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Saray Salmo 146:6

say Manamalsay tawen, dalin, dayat, tan amin a logan da. Susumpalen to lawas iray sipan to;