Saray Salmo 116:6 - Maung A Balita Biblia

⁶ Say Katawan iyaagel to ray pakaskasi; nen wala ak ed kaatapan, inlaban to ak.

Maung a Balita Biblia

⁶ Say Katawan iyaagel to ray pakaskasi; nen wala ak ed kaatapan, inlaban to ak.

Saray Salmo 116:6 Referans Kwoze

Saray Salmo 142:6

Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

COLOSAS 3:22

Sikayo ran aripen, diad amin a bengatla toluk kayod saray amo yo diad tapew na dalin. Walay makanenengneng man o anggapo mankimey kayo, aliwan lapud pamaliket yod totoo, no ag ingen lapud matoor kayo tan walay panamagalang yod Katawan.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Saray Taga Roma 16:19

Kabkabat la na amin a matoor kayod Cristo, tan panliliketan ko yan maung. Labay kon makabat kayo no nipaakar ed kamaungan, balet anggapoy pibabali yo no nipaakar ed kaogsan.

Saray Salmo 106:43

Amimpiga-pigan inyagel na Katawan iray totoo to, balet nilabay day onsumpad sikato; kanyan lalon linmereg irad kasalanan.