Saray Salmo 116:16 - Maung A Balita Biblia

¹⁶ Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

Maung a Balita Biblia

¹⁶ Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

Saray Salmo 116:16 Referans Kwoze

Saray Salmo 86:16

Lingaw mo ak pa tan kasian mo ak; pabiskeg mo ak pa a managlingkur mo, lapud lilingkuran ta ka a singa ginawa nen inak.

Saray Salmo 143:12

Lapud ag mangoman a panangarom ed siak, patey mo pa ray kalaban ko, tan deral mo ray amin a managpairap ed siak, ta aripen mo ak.

Saray Salmo 119:125

Aripen mo ak; itdan mo ak pay pakatalus, pian naamtaan ko ray bangat mo.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

Saray Taga Roma 6:22

Balet natan ta nablus ki lad kasalanan tan aripen ki lay Dios, say agunggona yo say masanton bilay a mansumpal ed bilay ya andi-anggaan.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

1 Saray Awaran 17:19

Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.