Saray Salmo 114:3 - Maung A Balita Biblia

³ Ninmengneng so Dayat ya Ambalanga, et binmatik; tinmondan onagos so Ilog na Jordan.

Maung a Balita Biblia

³ Ninmengneng so Dayat ya Ambalanga, et binmatik; tinmondan onagos so Ilog na Jordan.

Saray Salmo 114:3 Referans Kwoze

Saray Salmo 77:16

Ataktakot iray danum nen anengneng da ka, O Dios, tan ginmiwgiw so dalem na dayat.

Exodo 14:21

Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum

Habacuc 3:15

Impagatin-gatinan mod saray kabayom so dayat, et binmora-bora so mabiskeg a danum.

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Saray Salmo 106:9

Ginanggan toy Dayat ya Ambalanga, et minmaga; inwanwan ton binmaliw ed ekat iray totoo to.

Saray Salmo 104:7

Nen nampasnukan mo ray danum, batik ira; nen nadngel day ingal mon nangganggan, koyat ira.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

Exodo 15:8

Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Saray Salmo 77:17

Angipelag na oran iray lorem, kinmarul so tawen, tan kinmirmat ed amin a pasen.