Saray Salmo 111:9 - Maung A Balita Biblia

⁹ Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Maung a Balita Biblia

⁹ Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Saray Salmo 111:9 Referans Kwoze

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Lucas 1:68

“Nagalang komuy Katawan a Dios na Israel! Ta nila ton tinulongan tan inyagel so bansa to.

Lucas 1:49

lapud saray makapakelaw a bengatlan ginaway Makapanyarin Dios ed siak. Masanto so ngaran to;

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

TAGA-EFESO 1:14

Say Ispiritu so kaletan ya awaten tayo so insipay Dios ed saray totoo to, tan impailalo to a say Dios itdan toy nagnap a kawayangan iray totoon kayaryan to. Itanduro tayoy kagalangan na Dios!

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

Deuteronomio 28:58

“No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Saray Salmo 99:5

Idayew yoy Katawan a Dios tayo; igalang yo ed arap na trono to! Sikatoy masanto!

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

1 Saray Awaran 16:15

Ag yo lilingwanan ya anggan kapigan so impisipanan to, say impisipanan tod amin a kailalakan,

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

Deuteronomio 15:15

Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.