Saray Salmo 111:2 - Maung A Balita Biblia

² Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Maung a Balita Biblia

² Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Saray Salmo 111:2 Referans Kwoze

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Probirbio 24:14

ontan met, maung ed kamarerwa so kakabatan. No nawalaan kay kakabatan maung so pansumpalan mod arapen a panaon.

Saray Salmo 143:5

Nanununotan koy linmabas iran agew; dadalepdepen ko ray amin a ginagawam, momotekteken ko ray amin a gawgawam.

Saray Salmo 139:14

Idadayew ta ka, lapud nepeg kan takotan; makapakelaw tan nidoma ya amin iray gagawaen mo. Nagnap so pakapikabat kod saya.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

TAGA-EFESO 1:19

tan no panoy ontan lan kabiskeg na pakayari ton mankikimey ed sikatayo ran mananisia. Sayan pakayarid sikatayo et kapara to may pakayariy biskeg na Dios

Daniel 4:3

“Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Ecclesiastes 3:11

Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Probirbio 17:16

Anggapoy kakanaan na panggastos na makulang-kulang ed pakagamur toy aral, ta ag to ikakanay olo to.

Saray Taga Roma 8:6

Say panoley na kanunotan na inkanatural na too et mansumpal ed patey, balet say pangonur ed panangiwanwan na Ispiritu et mansumpal ed bilay tan kareenan.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Say Libro nen Job 37:7

Patotondaen toy pankikimey na saray totoo; ipanengneng to ed sikara so nayarian ton gawaen.

Say Libro nen Job 9:10

Ag tayo natalusan iray gagawaen ton ankakabaleg a bengatla, tan ag nabilang iray milagron gagawaen to.

Say Libro nen Job 5:9

Ag natalusan iray gagawaen ton makapakelaw a bengatla, tan andi-tonda iray gagawaen ton milagro.

Isaias 40:12

Nasukat na siopaman so dayat ed panamegley na dakolap to odino say tawen diad panamegley na lima to? Nikarga na siopaman so dalin na mundo ed sakey a kupa odino naala so belat na saray palandey tan saray pokdul diad panamegley na simbangan?

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Saray Salmo 104:34

Pakaliketan to komuy kantak, ta manlalapud sikato so gayagak.

Say Libro nen Job 37:14

Mandeen ka Job, ta dengel ka; dalepdep mo ray makapakelaw a bengatlan gagawaen na Dios.

Saray Salmo 118:15

Dengel yoy maliket iran eyag na impanalo diad katuldaan da ray totooy Dios: “Say mabiskeg a pakayariy Katawan so nanggawad saya!