Saray Salmo 109:26 - Maung A Balita Biblia

²⁶ Tulongan mo ak pa, Katawan kon Dios; ilaban mo ak pa lapud ag mangoman a panangarom!

Maung a Balita Biblia

²⁶ Tulongan mo ak pa, Katawan kon Dios; ilaban mo ak pa lapud ag mangoman a panangarom!

Saray Salmo 109:26 Referans Kwoze

Saray Salmo 119:86

Napanmatalkan ya amin iray ganggan mo; papairapen na saray totoo diad panamegley na panagpalikdo ra—tulongan mo ak pa!

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Saray Salmo 69:13

Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 69:16

Ebatan mo ak pa, O Katawan, lapud kaabigay ag mangoman a panangarom; lingaw mo ak pa, lapud baleg a panangasim!

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.