Saray Salmo 109:22 - Maung A Balita Biblia

²² Mairap so bilay ko tan wala ak ed pankaukolan, asugat ya anggad dalem so pusok.

Maung a Balita Biblia

²² Mairap so bilay ko tan wala ak ed pankaukolan, asugat ya anggad dalem so pusok.

Saray Salmo 109:22 Referans Kwoze

Saray Salmo 86:1

Dengel mo ak pa, Katawan, tan ebatan mo ak, ta makapoy ak tan wala ak ed pankaukolan.

Saray Salmo 102:4

Nalelemay so pusok a singa dikan agatin-gatinan; anggapo lay ganas kon mangan.

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Lucas 22:44

Ontan lay inkagunigon to, kanyan lalon masimoon so impampikasi to. Singa dala so linget ton tinmerter ed dalin.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Saray Salmo 109:16

Ag balut anunotan na saman a too so angasi; pinairap tan pinatey to iray mairap-bilay, saray walad pankaukolan, tan saray pakaskasi.

Say Libro nen Job 6:4

Say Makapanyarin-amin a Dios pinapana to ak; onkakayat ed intiron laman ko so samal. Say Dios imbolus tod siak iray amayamay a panagtaktakot to.

2 Saray Arari 4:27

balet kasabi tod kinen Eliseo dinmakmomod arap to tan binembenan tod sali. Ipolisay lawari nen Giezi, balet inkuanen Eliseo, “Paolyan mo labat. Ag mo nanenengneng a maerermen? Ag ni ya imbaga ed siak na Katawan.”

Saray Salmo 25:16

Lingaw mo ak pa, Katawan, tan kasian mo ak, ta maermen tan nanairapan ak.