Saray Salmo 109:14 - Maung A Balita Biblia

¹⁴ Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Maung a Balita Biblia

¹⁴ Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Saray Salmo 109:14 Referans Kwoze

Nehemias 4:5

Ag mo pa pipirdonaen so kaogsan da tan ag mo lilingwanan iray kasalanan da, ta papabaingan da kamin mangipapaalagey.”

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

2 Saray Arari 9:27

Nen anengneng nen Ahazia so agawa, binmatik ya akalogan ed karwahi to tan amaarap ed baley na Bet-hagan. Balet inosilan nen Jehu tan ingganggan to ray totoo to a pateyen da met. Asugatan da nen papabatiken toy karwahi tod dalan a mamaarap ed Gur ya asingger ed baley na Ibleam. Balet ayarian ton intuloy so batik to ya anggad siudad na Megido, tan dia la inatey.

2 Saray Arari 8:27

Lapud kanayon tod asawa si Ari Acab, nankasalanan ed Katawan, a singa ginagawa na saray kabyangay pamilya nen Acab.

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

Levitico 26:39

Saray daiset a nakeraan ed sikayo diad dalin da ray kalaban yo et nakalkalnaan iran ompatey lapud dilin kasalanan yo tan lapud kasalanan na saray lalaki yo.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”