Saray Salmo 107:7 - Maung A Balita Biblia

⁷ Inwanwan to rad maptek a dalan a mamaarap ed sakey a siudad a napanayaman da.

Maung a Balita Biblia

⁷ Inwanwan to rad maptek a dalan a mamaarap ed sakey a siudad a napanayaman da.

Saray Salmo 107:7 Referans Kwoze

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Saray Salmo 107:36

Impanayam to rad may totoon narasan, tan nanggawa ray sakey a siudad a panayaman da.

Saray Salmo 107:4

Saray arum nanakar-akar irad anggapoy basbas a kalawakan, tan ag da narumog so dalan a mamaarap ed sakey a siudad a panayaman da.

Saray Salmo 78:52

Insan singa sakey a pumapastol, impaway to ray totoo to; tan inwanwan to ran singa poluk na karniro diad imbeltang dad kalawakan.

Nehemias 11:3

Diad saray arum a siudad tan baley saray totood Israel, saray papari, saray Levita, saray kumikimey ed Timplo, tan saray kabyangay boleg da ray aripen nen Solomon et nanayam irad dilin dalin da diad saray dilin baley da. Say onggendan et say listaan na saray manonan totood luyag na Juda a manaayam irad Jerusalem.

2 Pedro 2:21

Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

Jeremias 31:24

Manayam ed Juda tan saray baley to iray totoo; niwalad satan iray dumaralus tan saray pumapastol a wala ray karniro ra.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Saray Salmo 136:16

Inwanwan to ray totoo to diad imbeltang dad kalawakan; andi-anggaan so panangaro to.

Saray Bilang 9:22

Anggan duaran agew, sakey bulan, sakey taon, odino mabayag nen saya so panakbung ed Tulda na samay lorem, ag ira onalis; balet no onatagey, onalis ira.

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (