Saray Salmo 107:37 - Maung A Balita Biblia

³⁷ Pinasekan da ray kaalogan tan tinaneman day ubas, et akaani ra na daakan.

Maung a Balita Biblia

³⁷ Pinasekan da ray kaalogan tan tinaneman day ubas, et akaani ra na daakan.

Saray Salmo 107:37 Referans Kwoze

1 CORINTO 3:7

Say manona aliwan say mantatanem odino say mansasalug, no ag say Dios a mamapabaleg.

2 CORINTO 9:10

Say Dios a mangiiter na bokel ed tumatanem tan say tinapay a nakan et iter to met so bokel a nakaukolan yo, tan pabalegen to ni pian makaani kayoy daakan manlapud inkabonluk yo.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Jeremias 29:5

‘Mamaalagey kayoy kaabungan yo tan manayam kayod man. Mantanaman kayo tan akan yo ray naani yo.

Isaias 37:30

Insan inkuanen Isaias ed kinen Ari Ezekias, “Niay sakey a pakapatnagan ed sakey a nagawa. Diad sayan taon tan diad ontombuk a taon, trigon balang labat so naakan yo, balet diad ontombuk a taon nayarian yo lay mantanem na trigo tan naani yo; makapantanem kayo met na saray ubas tan makapangan kayo na saray bunga ra.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Jeremias 31:5

Taneman yo lamet iray kaubasan ed toktok na kapokdulan na Samaria, tan saray mantanem kanen da ray bungay kaubasan.

Isaias 65:21

Mangipaalagey na kaabungan iray totoo tan panayaman da—ag ira ikana na arum a totoo. Mantanem ira na saray ubas tan manliket iran mangan na bunga—aliwan saray arum so mangan. Saray totook mambilay ira na andokey a singa saray kiew. Sigput dan pambilay iray bengatlan nansagputan da.