Saray Salmo 107:33 - Maung A Balita Biblia

³³ Say Katawan sigput ton pinaekat iray ilog, tan pinatonda ton onagos iray sobul.

Maung a Balita Biblia

³³ Say Katawan sigput ton pinaekat iray ilog, tan pinatonda ton onagos iray sobul.

Saray Salmo 107:33 Referans Kwoze

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Isaias 42:15

Deralen ko ray kapalandeyan tan saray kapokdulan, tan pamagaen ko ray dika tan saray kiew. Pagmaliwen kon pigaran kalawakan iray maawang ya ilog, tan pamagaen ko ray dipositoway danum.

Sofonias 2:13

Ipakana na Katawan so pakayari to ed paneral tod Asiria. Pagmaliwen ton ataynan ya aderal-deral so Ninive, sakey a pasen na kabueran ya anggapoy danum.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Nahum 1:4

Igaganggan toy dayat et oneekat! Paeekaten to ray ilog! Namamagaan iray kaalogan na Basan, namamagaan so Palandey na Carmelo, tan nalalaylay iray rosas na Libano.

Joel 1:20

Oneeyey ed sika iray ayayep ed katakelan, lapud nakatan iray kolus.

Ezekiel 30:12

Paekatan ko so Ilog na Nilo tan paoleyan kod saray maoges a totoo so Egipto. Deralen na saray sangkaili so intiron bansa. Siak a Katawan so nansalita.”

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Isaias 44:27

Diad sakey a ganggan ko namamagaan so dayat.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

1 Saray Arari 18:5

Inkuanen Acab ed kinen Obadias, “Tala, ta anapen tan amin iray kawalaay sobul tan saray kolus diad intiron nanarian, tan nengnengen ta no wala ray dikan nipakan tayod saray kabayo tan saray mula, pian ag ira ompatey. Angangko ag tayo mamatey na anggan sakey ed saray ayayep tayo.”