Saray Salmo 107:32 - Maung A Balita Biblia

³² Nepeg dan ibawag so inkatalonggaring to diad tipon da ray totoo, tan igalang da diad tipon da ray pangulo.

Maung a Balita Biblia

³² Nepeg dan ibawag so inkatalonggaring to diad tipon da ray totoo, tan igalang da diad tipon da ray pangulo.

Saray Salmo 107:32 Referans Kwoze

Saray Salmo 22:25

Idayew ta kad baleg ya olupan, lapud saray ginagawam; isaklang ko ray insipan kon bagat ed arap da ray mangigagalang ed sika.

Saray Salmo 22:22

Ibagak ed saray kadalaan ko no anto ray ginagawam; idayew ta kad ulopan da:

Saray Salmo 99:5

Idayew yoy Katawan a Dios tayo; igalang yo ed arap na trono to! Sikatoy masanto!

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Saray Salmo 119:46

Ibawag kod saray arari iray ganggan mo, et ag ak ombaing.

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Saray Salmo 111:1

Idayew yoy Katawan! Diad tipon da ray matonung a totoo to misalamat ak ed Katawan ed intiron pusok.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Saray Salmo 66:16

Gali dia tan dengel kayo, amin yon mangigagalang ed Dios, ta ibagak ed sikayoy ginawa ton para siak.

Saray Salmo 35:18

Insan pisalamatan ta kad tipon da ray totoom; idayew ta kad arap dan amin.

Saray Salmo 18:46

Say Katawan et mabilay! Nadayew komun so manangyagel ko! Ibawag yoy talonggaring na Dios a manangilaban ko.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 26:12

Arawi ak ed antokaman a kaatapan; idadayew koy Katawan diad olup da ray totoo to.