Saray Salmo 107:27 - Maung A Balita Biblia

²⁷ mamparugso tan mandongilngil iran singa saray abuek— nagmaliw ya anggapoy kabaliksan so dunong da.

Maung a Balita Biblia

²⁷ mamparugso tan mandongilngil iran singa saray abuek nagmaliw ya anggapoy kabaliksan so dunong da.

Saray Salmo 107:27 Referans Kwoze

Say Libro nen Job 12:25

karapkarap irad kabilongetan tan mandongilngil iran singa abuek.

Isaias 29:9

Mankulang-kulangan kayo, et magmaliw kayon makulang-kulang. Manbulag-bulagan kayo, et magmaliw kayon bulag. Magmaliw kayon abuek, anggaman ya anggapoy alak! Mandongilngil kayo, anggaman ya ag kayo akainom na anggan sankaakmon ya alak!

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.

Say Libro nen Job 37:20

Ag ko kerewen a misalita ak ed Dios; akin et itdan koy pankanawnawan maneral ed siak?