Saray Salmo 107:22 - Maung A Balita Biblia

²² Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Maung a Balita Biblia

²² Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 107:22 Referans Kwoze

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 118:17

Ag ak ompatey, no ag ta mambilay ak tan ibawag ko ray ginagaway Katawan.

Saray Salmo 9:11

Kantaan yoy pangidayew so Katawan a manaayam ed Sion! Ibawag yod saray bansa iray gawgawa to!

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Saray Salmo 116:17

Itdan ta kay bagat na pisasalamat tan mampikasi ak ed sika.

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Saray Salmo 116:12

Antoy nayarian kon ibales ed Katawan lapud saray amin a kaabigan tod siak?

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Saray Salmo 27:6

Kanyan taloen ko ray kalaban kon walad kaliber-liber ko. Mangisaklang ak na saray bagat ed Timplo to a katekep na eyag na liket. Kantaan tan idayew ko so Katawan!