Saray Salmo 107:14 - Maung A Balita Biblia

¹⁴ Impaway to ra a nanlapud kawalaan dan bilonget tan ermen, tan pinopoltut to ray golunggolung da.

Maung a Balita Biblia

¹⁴ Impaway to ra a nanlapud kawalaan dan bilonget tan ermen, tan pinopoltut to ray golunggolung da.

Saray Salmo 107:14 Referans Kwoze

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Saray Salmo 116:16

Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Saray Salmo 107:10

Nambibilay iray arum ed bilonget tan ermen; priso ran maniirap ya agolunggolungan,

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Saray Gawgawa 5:25

Balet nitan lay sakey a laki ya inkuanto, “Saramay impriso yo et wadman ira natan ed Timplo a mambabangat!”

Saray Gawgawa 5:19

Balet diad saman a labi, inlokas na sakey ya anghil so puirtay prisowan, pinapaway to ra may apostol tan inkuanto,

Lucas 13:16

Natan, sayan bii ya anak nen Abraham, labinwaloy taon lan papairapen nen Satanas. Ag kasi manepeg a paabigen ko no Agew na Panagpainawa?”

Saray Salmo 102:20

Nadngel toy tagleey da ray priso, tan imbolus to ray asintinsiaan ya ompatey.

Saray Salmo 68:6

Iitdan toy abung a panayaman so toon maermen, tan paliliketen to ray priso diad pangibolus tod sikara, balet nepeg a manayam ed kalawakan iray totoon mananumpa.

Say Libro nen Job 36:8

Balet no saray totoo et abalur iray golung-golung, tan maniirap ira lapud saray ginagawa ra,

Isaias 49:9

Ikuankod saray priso, ‘Laka kayo la!’ tan diad saray walad kabilongetan ikuanko, ‘Paway kayo lad liwawa!’ Magmaliw iran singa saray karniro a mankakabkab ed kapokdulan;

Saray Salmo 146:7

kikilingan tod panagsintinsia to iray napapairap, tan iitdan toy nakan iray narasan. Say Katawan ibobolus to ray priso,

Say Libro nen Job 33:30

ipapaliis tod patey so sakey a too, tan iitdan to na maliket a panagbilay.

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

Say Libro nen Job 19:8

Sinaraan na Dios so dalan, kanyan ag ak makalabas; kinobutan to na bilonget so dalan ko.

Say Libro nen Job 15:30

tan ag to nibatikan so kabilongetan. Sikatoy singa sakey a kiew ya apoolan iray sanga-sanga to, tan intitikyab ed arawi na dagem iray rosas to.

Say Libro nen Job 15:22

Anggapoy ilalo ton nibatikan toy kabilongetan, ta akaparaan so ispadan mamatey ed sikato,