Saray Salmo 106:41 - Maung A Balita Biblia

⁴¹ Impelag to rad silong na pakayari da ray pagano; tan nanoley ed sikara iray kalaban da.

Maung a Balita Biblia

⁴¹ Impelag to rad silong na pakayari da ray pagano; tan nanoley ed sikara iray kalaban da.

Saray Salmo 106:41 Referans Kwoze

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 3:12

Nankasalanan lamet ed Katawan iray Israelita. Lapud sayan ginawa ra, say Katawan impagmaliw ton mabiskeg niy Ari Eglon na Moab nen say Israel.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 28:29

Anggan agew karapkarap kayo a singa toon bulag, et ag yo natonton so laen yo. Ag kayo onaligwas ed antokaman a gawaen yo. Napairap kayo tan natakewan kayo lawas, et anggapoy siopaman ya ontulong ed sikayo.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Saray Huis 3:14

Labinwaloy taon a walad silong na pakaoley nen Eglon iray Israelita.

Saray Huis 15:11

Kanyan sarayan talon libon lalaki ed Juda et linma rad ongib ed Etam tan kuandad kinen Samson, “Ag mo ta amtan saray Filisteo so manooley ed sikatayo? Anto yay ginawam ed sikami?” Inmebat si Samson, “Ginawak ed sikara so singa ginawa rad siak.”

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.