Saray Salmo 106:36 - Maung A Balita Biblia

³⁶ Angigalang iray totooy Dios ed saray talintaoy diriyos, et sikato yay aderalan da.

Maung a Balita Biblia

³⁶ Angigalang iray totooy Dios ed saray talintaoy diriyos, et sikato yay aderalan da.

Saray Salmo 106:36 Referans Kwoze

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Saray Huis 2:3

Kanyan ibabagak ed sikayo natan ya ag ko pataynanen ira yan totoo legan yon mankukurang. Magmaliw iran kalaban yo, tan napatitan kayo ed pangigalang ed saray diriyos da.”

Exodo 23:33

Ag yo aabuloyan a manayam ed bansa yo ira man a totoo; no abuloyan yo ra sagyaten da kayon mankasalanan ed siak. No mangigalang kayod saray diriyos da, andi-duaruwan patit ya ed sikayo.”

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

Saray Huis 2:17

Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Josue 23:13

andiduaruwan ag la ra pabatiken na Katawan a Dios yo legan yon lolooban iray dalin da. Ingen, magmaliw iran singa patit o kalut ed sikayo odino singa ra ansakit a bakbak ed beneg yo odino sabit ed mata yo. Et mansiansia yan anggad anggapoy nakeraan ed sikayo ed sayan maung a dalin ya inter ed sikayo na Katawan a Dios yo.

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

2 Saray Arari 17:7

Ataloy Samaria, ta nankasalanan iray Israelita ed Katawan a Dios da ya angyagel ed sikarad ari na Egipto tan angipaway ed sikarad Egipto. Angigalang irad saray arum a diriyos,