Saray Salmo 105:8 - Maung A Balita Biblia

⁸ Sumpalen toy impisipanan to ya anggad angga, saray sipan to ya anggad nilibon kailalakan.

Maung a Balita Biblia

⁸ Sumpalen toy impisipanan to ya anggad angga, saray sipan to ya anggad nilibon kailalakan.

Saray Salmo 105:8 Referans Kwoze

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 105:42

Anunotan toy masanton sipan to ed kinen Abraham ya aripen to.

1 Saray Awaran 16:15

Ag yo lilingwanan ya anggan kapigan so impisipanan to, say impisipanan tod amin a kailalakan,

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, “Katawan a Dios, matalonggaring ka tan gagalangen mi ka. Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.

Josue 21:43

Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.