Saray Salmo 105:25 - Maung A Balita Biblia

²⁵ Inabuloyan to ray Egipsio a mamosul ed saray totoo to, tan mamalikdo ed saray aripen to.

Maung a Balita Biblia

²⁵ Inabuloyan to ray Egipsio a mamosul ed saray totoo to, tan mamalikdo ed saray aripen to.

Saray Salmo 105:25 Referans Kwoze

Saray Gawgawa 7:19

Siniliban ton niluko ray kadalaan tayo. Diad inkaruksa tod sikara, ingganggan ton ibantak da ray anak dan kapangyanak, pian ompatey ira.

Genesis 15:13

Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Exodo 1:16

Inkuantod sikara, “No mamaanak kayod saray bibiin Hebrea, patey yo so ogaw no laki, balet ag yo papateyen no bii.”

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Exodo 10:1

Insan inkuan na Katawan ed kinen Moises, “Laka, ta miarapan kad ari. Pinaawet koy puso to tan saray opisyal to, pian nagawaan kod imatun da ira yan milagro.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Ecclesiastes 3:8

Igegetar toy panaon na pangaro tan say panaon na pambosul, say panaon na bakal tan say panaon na kareenan.