Saray Salmo 105:12 - Maung A Balita Biblia

¹² Pigpigara nen saman iray totoo na Dios, tan sangkaili rad dalin na Canaan.

Maung a Balita Biblia

¹² Pigpigara nen saman iray totoo na Dios, tan sangkaili rad dalin na Canaan.

Saray Salmo 105:12 Referans Kwoze

Deuteronomio 7:7

“Say Katawan inaro tan pinili to kayo, aliwan lapud dakel kayo ni nen saray arum a totood arum a bansa, ta sikayoy sankamelagan a bansa diad tapew na dalin.

Genesis 34:30

Inkuanen Jacob ed kindi Simeon tan Levi, “Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.”

Saray Hebreo 11:9

Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.

Genesis 23:4

“Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Saray Hebreo 11:12

Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.