Saray Salmo 104:35 - Maung A Balita Biblia

³⁵ Naderal komud tapew na dalin iray makasalanan; naandipat la ra komuy maoges a totoo. Idayew moy Katawan, sikan kamarerwak! Idayew yoy Katawan!

Maung a Balita Biblia

³⁵ Naderal komud tapew na dalin iray makasalanan; naandipat la ra komuy maoges a totoo. Idayew moy Katawan, sikan kamarerwak! Idayew yoy Katawan!

Saray Salmo 104:35 Referans Kwoze

Saray Salmo 103:22

Idayew yoy Katawan, amin yo ran pinalsa to, diad amin a pasen panooleyan to. Kamarerwak, idayew moy Katawan!

Saray Salmo 37:38

balet naderal ya amin iray makasalanan, tan naoput iray kabyangay boleg da.

Probirbio 2:22

Balet say Dios paandipaten tod dalin iray totoon maoges, tan baguten to ray makasalanan a singa pamagut na tanaman ed dalin.

Saray Salmo 106:48

Idayew yoy Katawan, say Dios na Israel; idayew yo natan tan anggad angga! Ikuan komun na amin a katoowan, “Amen!” Idayew yoy Katawan!

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Saray Salmo 101:8

Kinabwasan a deralen ko iray totoon maoges ed dalin tayo. Papawayen kod siudad na Katawan iray amin a managgaway kaogsan.

Saray Salmo 59:13

diad pasnuk mo, deral mo pa ra; deral mo ra ya anggad ag da kaoput. Naamtaan ed satan na amin a katoowan a say Dios so manooley ed Israel, tan say panooley to et sasakopen toy intiron mundo!

Saray Salmo 1:4

Balet aliwan onyay toon maoges, singa taep ya ititikyab na dagem.

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Saray Salmo 104:1

Idayew moy Katawan, O kamarerwak! O Katawan a Dios ko, agaylay talonggaring mo! Akawesan kay dayew tan kagalangan,

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Isaias 13:9

Onsasabiy agew na Katawan, say maruksan agew ya isabi na pasnuk tan petang na olo to. Magmaliw ed satan a kalawakan so mundo tan ompatey ya amin iray makasalanan.