Saray Salmo 104:17 - Maung A Balita Biblia

¹⁷ Diman manoobung iray manok ed tagey; saray dulakak manoobung irad saray kiew ya igos.

Maung a Balita Biblia

¹⁷ Diman manoobung iray manok ed tagey; saray dulakak manoobung irad saray kiew ya igos.

Saray Salmo 104:17 Referans Kwoze

Saray Salmo 104:12

Diad saray kiew ed kaliber-liber, manggagaway obung iray manok tan mankankanta ra.

Obadias 1:4

Anggan ipaalagey mod atagtagey a pasen so abung mo, ya atagtagey a singa kawalaan na obung na agila, ta pian singa ka walad kawalaan da ray bitewen, igoyur ta kan siansia ed leksab.

Daniel 4:21

Mararakep iray bolung to, tan nayarin kanen na anggan amin a katoowan ed intiron mundo iray bunga to. Nampapainawad silong to iray ayayep ed katakelan, tan nanoobung ed saray sanga to iray manok.

Ezekiel 31:6

Amin a klasiy manok et nanobung ed saray sanga to; Saray ayayep ed takel et nananaanak irad silong to; Nanayam ed silong to iray bansa na intiron mundo.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Jeremias 8:7

Anggan saray gikgik ed liwang amta ra no oras lay kapapawil; saray malapati, saray mangalimpana, tan saray dolakak amta ra no kapigay iyakar dad arum a pasen a panayaman da. Balet, sikayo ran totook, ag yo amta ray ganggan ko a nepeg yo ran onuren.