Saray Salmo 103:22 - Maung A Balita Biblia

²² Idayew yoy Katawan, amin yo ran pinalsa to, diad amin a pasen panooleyan to. Kamarerwak, idayew moy Katawan!

Maung a Balita Biblia

²² Idayew yoy Katawan, amin yo ran pinalsa to, diad amin a pasen panooleyan to. Kamarerwak, idayew moy Katawan!

Saray Salmo 103:22 Referans Kwoze

Saray Salmo 145:10

Katawan, idayew ka na amin a pinalsam, tan pisalamatan ka na amin a totoom.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Saray Salmo 150:6

Idayew yoy Katawan, amin yon mabilay a pinalsa! Idayew yoy Katawan!

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Saray Salmo 146:1

Idayew yoy Katawan! Idayew moy Katawan, O kamarerwak!

Saray Salmo 104:35

Naderal komud tapew na dalin iray makasalanan; naandipat la ra komuy maoges a totoo. Idayew moy Katawan, sikan kamarerwak! Idayew yoy Katawan!

Saray Salmo 104:1

Idayew moy Katawan, O kamarerwak! O Katawan a Dios ko, agaylay talonggaring mo! Akawesan kay dayew tan kagalangan,

Saray Salmo 103:1

Kamarerwak, idayew moy Katawan! Sigput ya inkatook, idayew moy masanton ngaran to!

Saray Salmo 145:21

Idayew ko so Katawan; say masanton ngaran to et idayew komun na amin a pinalsa diad ando lan ando.

Saray Salmo 148:1

Idayew yoy Katawan! Manlapud tawen idayew yoy Katawan, idayew yo sikayon ran manaayam ed tagey.