Saray Salmo 103:21 - Maung A Balita Biblia

²¹ Idayew yoy Katawan, amin yo ran mangatatawen a pakayari, sikayo ran aripen to a mangoonur ed linawa to!

Maung a Balita Biblia

²¹ Idayew yoy Katawan, amin yo ran mangatatawen a pakayari, sikayo ran aripen to a mangoonur ed linawa to!

Saray Salmo 103:21 Referans Kwoze

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

Lucas 2:13

Kabebekta, pinmayawar met a kaiba to may anghil so amayamay iran mangatatawen ya anghil a mangigagalang ed Dios:

Saray Salmo 104:4

Gagawaen mo ran ibabakim so dagem; gagawaen mo ran aripen mo so kirmat.

Nehemias 9:6

Insan saray totood Israel nampikasi ra na onya: “Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Josue 5:14

“Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”

Genesis 32:2

Nen anengneng to ra, inkuanto, “Kampo ya na Dios”; kanyan inngaran to man a pasen na Mahanaim.

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

2 Saray Awaran 18:18

Intuloy nen Micaya ya inkuan, “Dengel yo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil.