Saray Salmo 103:17 - Maung A Balita Biblia

¹⁷ Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Maung a Balita Biblia

¹⁷ Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 103:17 Referans Kwoze

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

2 Timoteo 1:9

ya angilaban tan anawag ed sikatayo a magmaliw a masanton totoo to. Ginawa to ya, aliwan lapud saray ginagawa tayo, no ag ingen lapud getma tan say panangasi to a niiter ed sikatayo diad panamegley nen Cristo Jesus, tan imparaan to lan para sikatayo sakbay a ginmapoy panaon.

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Saray Taga Roma 1:17

Ipapaamta na Maung a Balita a say pamirdonay Dios ed saray kasalanay katoowan et onggapo tan mansamput ed panamegley na pananisia. Onung na ibabagay Masanton Sulat, “Mambilay diad panamegley na pananisia so toon apirdona ray kasalanan to.”

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Jeremias 31:3

pinmatnag ak ed sikara manlapud arawi. Totood Israel, inaro ta kayo lawas, kanyan intuloy kon impatnag ed sikayo so ag mangoman a panangarok.

Saray Salmo 118:1

Misalamat kayod Katawan, ta sikato et maung, tan andi-anggaan so panangaro to.

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

Saray Taga Roma 15:8

Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

Saray Salmo 90:16

Ipanengneng mo pad sikamin aripen mo, iray makapanyarin gawgawam; iyabuloy mo komun a nanengneng da ray kabyangay boleg mo so mapagalang a pakayarim.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Saray Salmo 25:6

Katawan, nunot mo pay panangasim tan say ag mangoman a panangarom ya abayag mo lan impanengneng.

Saray Salmo 22:31

Nibagad saray totoon iyanak ed arapen a panaon: “Inlaban na Katawan iray totoo to.”

Deuteronomio 10:15

Balet balbaleg so panangaro na Katawan ed saray lalaki yo kanyan pinili to kayo, aliwan saray arum a totoo, tan sikayo ni ya anggad natan iray apilin totoo to.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Saray Salmo 111:3

Napnoy kagalangan tan pakayari iray amin a gagawaen to; ag manganggay inkatonung to.