Saray Salmo 102:28 - Maung A Balita Biblia

²⁸ Mambilay ya arawid kaatapan iray anak mi, tan diad silong na panangyagel mo mambilay ya ag nasigensigen iray kabyangay boleg da.

Maung a Balita Biblia

²⁸ Mambilay ya arawid kaatapan iray anak mi, tan diad silong na panangyagel mo mambilay ya ag nasigensigen iray kabyangay boleg da.

Saray Salmo 102:28 Referans Kwoze

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Saray Salmo 89:4

‘Sakey a kabyangay boleg mo so manari lawas, tan pansiansiaen kon anggad angga so panarian mo.’”

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Say Libro nen Job 10:5

Singa kasi katikey na bilay mi so katikey na bilay mo?

Isaias 41:4

Siopay angyabuloy ya onyay nagawa? Siopay angigetar na amin ya agawgawa ed imbeneg? Siak a Katawan a wala la ed gapoy gapo, tan siak a Katawan so niwala ed kasamputan.

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Malakias 3:6

“Siak so Katawan, ag ak mangoman. Kanyan sikayo ran kabyangay boleg nen Jacob et ag kayo ni sigput a naoput.