Saray Salmo 102:14 - Maung A Balita Biblia

¹⁴ Saray aripen mo aaroen da so Sion, anggan aderal la; kakasian da, anggan abagbag la.

Maung a Balita Biblia

¹⁴ Saray aripen mo aaroen da so Sion, anggan aderal la; kakasian da, anggan abagbag la.

Saray Salmo 102:14 Referans Kwoze

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Nehemias 4:10

Kinakanta na saray taga Juda yan kanta: “Onkakapoy kamid pansasakbat na ambelat; Dakerakel a maung iray deral-deral ya ekalen. Panon min ipaalagey natan so padir?”

Nehemias 4:6

Kanyan intuloy miy pangipapaalagey mi lamet ed padir; ag abayag apaldua mi lay kaatagey to, lapud mapeleng a mankimey iray totoo.

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Nehemias 2:3

tan inmebat ak, “Andokey ni komun so pambilay yo, Kagalang kon Impirador! Panon a niamut so ermen ko no say siudad ya angipomponan ed saray lalakik et aderalderal tan saray puirta to et dineral na apoy?”

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Esdras 7:27

Inkuanen Esdras, “Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.

Esdras 1:5

Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.

Saray Salmo 119:126

Katawan, natan lay pangipanengneng moy pakayarim, tan saray totoo susumlangen day ganggan mo!

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Jeremias 29:10

“Say Katawan kuanto, ‘Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.