Saray Salmo 101:6 - Maung A Balita Biblia

⁶ Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

Maung a Balita Biblia

⁶ Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

Saray Salmo 101:6 Referans Kwoze

Saray Salmo 119:63

Kaaro ak na amin da ray manlilingkur ed sika, amin da ray mangoonur na saray ganggan mo.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Saray Salmo 15:4

Babalawen to ray totoon ipopolisay na Dios, balet gagalangen to ray mangoonur ed Katawan. Susumpalen toy amin ya insipan to, anggan antoy nagawad sikato.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Probirbio 28:28

Kiamut-amut iray totoo no walad pakayari iray maoges a totoo. Balet no naandi la rad pakayari, saray matonung a totoo lamet so manoley.

Saray Salmo 34:15

Say Katawan iimanoen to ray matonung, tan dedengelen to ray tawag da;

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Levitico 14:42

Insan saray arum a bato la so isalat ed saramay baton nakal, tan palitadaan la na balo so dalem na abung.