Saray Salmo 101:3 - Maung A Balita Biblia

³ tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

Maung a Balita Biblia

³ tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

Saray Salmo 101:3 Referans Kwoze

Saray Salmo 119:37

Iyarawim pad siak so pangimanod antokaman ya andi-kakanaan; ipanengneng mo pad siak so kamaungan mo onung na insipan mo.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

Probirbio 6:25

Ag ka patutuksod ganggana ra; ag ka pasasagyat ed panagkindat da.

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

Saray Salmo 40:4

Maliket iray manmamatalek ed Katawan, saray ag onsisingger ed saray talintaoy diriyos odino mibabalid saray mangigagalang ed saray tila-tilan diriyos.

Exodo 20:17

“Ag mo iibegan so abung na kaparam a too; ag mo iibegan so asawa to, saray aripen to, saray baka to, saray asno to, odino antokaman a kayaryan to.”

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

2 Pedro 2:21

Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

TAGA GALACIA 4:9

Natan ta kabat yo lay Dios—andi manaya, no ag ta natan ta kabat ki lay Dios—akin et papawilen yo ray anggapoy nayarian tan saray pangaskasiyan a manangiwanwan na sayan mundo? Labay yo siriy paoleyan lamet ed sikara?

Saray Taga Roma 12:9

Nepeg ya anggapoy pankonkonwari so panangaro yo. Bosul yoy kaogsan, pabli yoy kamaungan.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Ecclesiastes 6:9

Sakey yan andi-kakanaan; singa ka onoosil ed dagem. Maung niy panliketan moy antokaman a walad sika nen say mansasalat so pampilalekan mo.

Josue 23:6

Kanyan pampelegan yon onuren tan sumpalen iray amin a nisulat ed libro na Ganggan nen Moises. Ag yo papaolyan so anggan anton parti na ganggan,

Saray Hebreo 10:39

Aliwa tayon singa saray totoon ombebeneg a mamaarap ed kaderalan. Ingen, singa tayo saray totoon mananisiad Dios tan nilalaban.

Saray Salmo 119:113

Kabosul ko ray aliwan sigput a matoor ed sika, balet inarok so ganggan mo.

Saray Salmo 78:41

Inolit-olit dan sinubok so Dios, tan impanpapasnuk da so Masanton Dios na Israel.

Saray Salmo 14:3

Aliwa so nakar dan amin; nampapara ran maoges. Anggapod sikaray manggagaway kamaungan, anggapoy anggan sakey.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Isaias 30:11

Ekal kayod dalan mi; ag yo kami sasaraan. Ag mi labay a dengelen itay nipaakar ed masanton Dios na Israel.”

Saray Salmo 39:1

Inkuanko, “Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.”

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Saray Salmo 139:22

Mapalalo so pamobosul kod sikara; ipapasen ko ran kalaban ko.

Probirbio 6:12

Onlan manliber-liber a mantila iray totoon maoges tan andi-kana.

Probirbio 6:13

Mankindat tan mansinyas ira pian napalikdo da ka,

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”